Mikel Urdangarin euskal kantagintzako izen esanguratsuenetako bat da. Ia hiru hamarkadako ibilbidean, bere ahots pertsonala eta estilo berezia sendotu ditu, sentiberatasuna, dotorezia eta sakontasun lirikoa uztartzen dituen obra eraikiz. Euskal musikaren erreferente bihurtu da, bere ibilbide sendoari eta belaunaldi ezberdinekin konektatzeko izan duen gaitasunari esker.

Bere kantuetan, hitzak eta melodiak elkar elikatzen dute, gertutasuna eta hausnarketa eraginez. Zuzenekoetan zein diskografian, emozioari, kalitateari eta egia artistikoari leial mantendu zaio beti. Gaur egun, heldutasun sortzaile betean, bere azken eta 20. lana Mundua eder izan da. Bere ibilbideak berresten du Mikel Urdangarin gaur ere ezinbesteko ahotsa dela euskal kultur panoraman.

2026 honetan Uhinak proiektu berria abiatu du, bakarlari gisa eta hitza, melodia eta bere errepertorio luzeko hamaika abesti balorean jartzeko asmoarekin.